Во Законодавниот дом започна расправата по нацрт-амандманите на Уставот . На почетокот, координаторот на пратеничката група на ВМРО-ДПМНЕ, Никола Мицевски побара точката да се тргне од дневен ред бидејќи, рече, значи кршење на Уставот а е против вољата на народот, кој на Референдум испрати порака дека е против промена на името.
„Не смее да се крши вољата на милион и двесте илјади граѓани кои се против договорот од Преспа и се против промена на името. Граѓаните не ни дадоа легитимитет за промена на Уставот .Ние сме должни тоа да го почитуваме“, рече Мицевски.
За предлогот на Мицевски гласаа 22 пратеника а 61 против. Пратениците продолжуваат со дебата за 4 те уставни амандмани.