„Спорот со името, за Македонија е длабоко национално прашање, додека за Грција е уште едно политичко прашање какви што таа има многу и може да се реши само низ преговори“, изјави поранешниот претседател на Хрватска Стјепан Месиќ кој при посетата на Тетово беше прогласен за почесен граѓанин.
Границите на Балканот се конечно дефинирани и нема да има нивна промена, сега треба да се залагаме за нивно отварање со самото интегрирање во Европската унија, рече Месиќ, порачувајќи дека Грција треба да и помогне на Македонија на тој пат.
Месиќ смета дека Македонија во дваесетте години самостојност имала и подеми и падови. Ја пофали нејзината политика на толерација и соживот на различните етнички заедници.
За односите помеѓу Србија и Косово рече дека Србија не мора да го признае Косово, но мора да дозволи регионот да соработува.
Поранешниот Хрватски претседателот денеска имаше средба со лидерот на ДПА Мендух Тачи, а утре ќе се сретне со потпретседателката на владата Теута Арифи во седиштето на ДУИ во Мала Речица.
На Универзитетот на Југоисточна Европа одржа предавање, по кое ја доби титулата почесен доктор на науки.