Портпаролот на ЗНАМ, Никола Мемов кој предизвика бурни реакции со објавата на социјалните мрежи во врска со коалицискиот партнер ВРЕДИ и нивниот придонес за изборот на Орце Ѓорѓиевски за граодначалник на Скопје, се огласи со дообајснување. Вели тоа било негов личен став, а не позиција на движењето ЗНАМ.
– Вчерашната објава на мојот фејсбук профил во однос на поддршката помеѓу партнерите во владата на локалните избори е мој личен став и не изразува став на Движењето ЗНАМ за Наша Македонија. Гледам дека оваа моја лична објава предизвика внимание, но и негативни реакции Победата на овие локални избори што ја остварија ВМРО – ДПМНЕ, ЗНАМ и ВРЕДИ е резултат на нашата взаемна поддршка во сите општини во Македонија, што е потврда на имплементацијата на конзистентните политики на владата во изминатиот период. По локалните избори владините партнери треба да продолжат во ист правец, затоа што зацртаните политички цели за овие избори се остварени, се вели во соопштението од Мемов до медумите.