Претседателот на Комисијата за европски прашања Ермира Мехмети ќе учествува на Конференцијата на претседателите на комисиите за европски прашања на земјите-членки на ЕУ-КОСАК, што утре и задутре ќе се одржи во Рим, Италија, во рамките на италијанското претседателство со Европската унија.
На конференцијата, информира собраниската прес-служба, ќе стане збор за претстојните приоритети на италијанското претседавање со ЕУ, за што обраќање ќе има државниот потсекретар на Претседателството на Советот на министри, задолжен за европски прашања, Сандро Гози, како и потпретседателот на Европската комисија, Марош Шевчовиќ.
Во рамките на КОСАК конференцијата, Мехмети ќе учествува и на состанокот на претседателите на комисиите за европски прашања на земјите од ЈИЕ, кој е посветен на размената на мислења за прашањата поврзани со медитеранската димензија на европските политики.
Ова е прва покана за учество на Македоија на оваа конференција, која е воспоставена како практика за време на грчкото претседавање со Унијата.
