Меѓународна научна конференција за европските интеграции „Европа и Балканот” по 13-ти пат ќе се одржи денеска во Скопје, во организација на Универзитетот Американ Колеџ Скопје.
На отворањето, како што е најавено, ќе се обрати државниот секретар на Министерството за надворешни работи на Република Македонија Виктор Димовски.
Главни говорници се првиот претседател на Република Словенија Милан Кучан и професорот по историја на источноевропските култури на Универзитетот во Лајпциг, Германија Штефан Требст.
На конференцијата учество ќе земат дваесетина научници и истражувачи од десетина земји, кои ќе изложат реферати за актуелни прашања, нудејќи еден свеж, критички и долгорочен поглед, кој оди подалеку од досегашната дебата за европската интеграција на Балканот.
