Катедрата за италијански јазик и книжевност на Филолошкиот факултет „Блаже Конески“ при Универзитетот „Св. Кирил и Методиј“ во Скопје годинава одбележува 55 години од постоењето на италијански студии на Универзитетот.
По тој повод, Катедрата денеска и утре во Охрид организира Меѓународен научен собир „Јазични книжевни и културни паралели – 55 години италијански студии“ на кој ќе учествуваат околу 120 домашни и странски излагачи.
Научниот собир влегува како официјална активност во рамки на актуелното претседавање на Италија со ЕУ.