На стрелиштето „Камник“ кај Скопје денеска ќе се одржи Шестиот меѓународен Гран-при турнир во стрелаштво „Скопје 2012“.
Турнирот е организиран од Македонската спортска стрелачка федерација.
Се очекува да настапат околу 400 натпреварувачи од Македонија и регионот во повеќе дисциплини на гаѓање со пиштол, пушка и снајперска пушка.
Ќе учествуваат спортски стрелци, припадници на специјални армиски и полициски единици, шумска, царинска, финансиска и судска полиција, агенции и служби за приватно обезбедување, питомци од Воената академија и студенти од факултетите за безбедност, детективи, криминалистика и одбрана, како и членови на ловечки друштва и други љубители на стрелаштвото.
