Еден од потпретседателите на ДУИ, Изет Меџити, се вратил на состанокот во Мала Речица. Неколку часа претходо тој го напушти седиштето на партијата заедно со уште двајцата потпретседатели, Теута Арифи и Невзат Бејта, пренесе Радио Слободна Европа.
Откако дел од порталите излегоа со тврдења дека нивното повлекување од состанокот е поради несогласување со ставовите на лидерот на партијата, Али Ахмети да се оди во коалиција со ВМРО-ДПМНЕ, портпаролот на ДУИ, Бујар Османи, јави Алсат-м, излезе со изјава дека тие заминале поради замор и потреба да се одморат, а не поради внатрепартиски тензии.
Според него, дебатата е конструктивна и верува дека наскоро ќе биде донесена одлука.