На настан во Чаир, кандидатот за градоначалник од коалицијата ВРЕДИ, Изет Меџити, беше прашан за последните изјави во врска со Бадинтер.
Меџити нагласи дека Бадинтер и Охридскиот рамковен договор се темелите на државата.
„Ние сме во кампања за локални избори и треба да се занимаваме со проблемите на граѓаните. Кога ќе дојдат парламентарните избори, ќе се занимаваме и со тие теми. Што се однесува до изјавите на Димитриевски, веројатно тој се занимава со филмови од пред 2001 година. Тие филмови завршија. Бадинтеровото мнозинство и Охридскиот рамковен договор се темелите на државата. Тоа е иднината. Сe друго е стар филм и дел од минатото“, изјави Меџити.
Според него, почитувањето на Охридскиот рамковен договор и механизмот на Бадинтер останува основа за меѓуетничка еднаквост и стабилност на земјата.