МЕД го одбележува Меѓународниот ден на биолошката разновидност со пребројување на пеликаните од Преспанското Езеро

Од:

Македонско еколошко друштво во соработка со Општина Ресен и Националниот парк „Галичица“, Меѓународниот ден на биолошката разновидност – 22 мај годинава ќе го одбележи со пребројување на пеликаните од Преспанското Езеро.

-Се со цел доближување на природните убавини во нашата земја МЕД одлучи на 22 мај – петок, на своите социјални мрежи преку целиот ден да споделува слики и видеа од теренската активност за пребројување на пеликаните во Преспа. Затоа во петок следете не на фејсбук и инстаграм и уживајте во глетките од Преспанското Езеро, соопшти Македонското еколошко друштво.

Оттаму посочуваат дека пребројувањето на пеликаните е прекугранична активност што ги вклучува и нивните партнерски организации од Грција и Албанија – Друштвото за заштита на Преспа и Друштвото за заштита на животната средина во Албанија.

Броењето на пеликаните МЕД го спроведува од 2013 година. Пеликаните кои секојдневно доаѓаат да се хранат во македонскиот и албанскиот дел од Големото Преспанско Езеро, како што наведува друштвото, припаѓаат на најголемата гнездечка популација на овој вид во светот, која се наоѓа на Малото Преспанско Езеро, и ја нагласува неопходноста од заедничка соработка во напорите за зачувување на биолошката разновидност.

Темата на годинешното прославување на Меѓународниот ден на биолошка разновидност е „Природата нуди решенија.

-Биолошката разновидност ја подразбира севкупноста на живиот свет на Земјата. Таа не ја вклучува само разновидноста на гените, видовите и екосистемите, туку и различните односи помеѓу живите суштества. Комплексноста на оваа разновидност е главна карактеристика на екосистемите и нивното функционирање, кои суштински придонесуваат за благосостојбата на човекот и се од огромна корист за општеството во целина. Овие придобивки од природата тешко може парично да се вреднуваат!, се наведува во соопштението на МЕД.

Би можело да ве интересира

Зегин со свој придонес во големата еко акција „Скопска Црна Гора ја поздравува пролетта”

Ана Ололовска

Косовската полиција заплени два тона мед од Македонија, возачот на комбито во бегство

18 белоглави мршојадци за малку спасени од труење, расфрлан отров кај Мариово можеше да доведе до нивно истребување

Искра Манојлоска

Акција за чисто Маврово и Мавровско езеро

Ана Ололовска

Национална еко акција „Генералка викенд“ за позелена татковина

Ана Ололовска

„Фронт 21/42“: Формално демократски и „согласно законите“ се носат урбанистички планови за Охрид

Ана Ололовска