Жител на скопското село Инџиково ноќеска е убиен во својот дом од страна на две маскирани лица, пред очите на сопругата, соопшти МВР.
Според првичните сознанија, убиството се случило околу полноќ, кога две лица со маски на главата вооружени влегле во домот на 49-годишен жител на Инџиково, му барале пари, а потоа го застрелале во дворот од семејната куќа.
Лицата потоа избегале, соопшти полицијата.
„На 13.08.2020 во 23.06 часот во СВР Скопје, М.Н. пријавила дека двор од куќа во с.Инџиково, скопско, при расправија на две лица со нејзиниот сопруг И.А.(49), едното од нив со пиштол пукало во него. Според пријавеното, двете лица побарале пари од И.А., но кога им кажал дека нема пари, едното лице пукало кон него. Лекар од Итна медицинска помош констатирал смрт, а увид на местото извршила екипа од СВР Скопје. Се работи на расчистување на случајот,“ се вели во соопштението од МВР.
