Денеска околу 02,00 часот по полноќ, движејќи се по улица „ЈНА“ во Тетово, Ќ.Р.(45) од Тетово, забележал паркирано возило од кое излегле неколку маскирани лица, дел од нив биле вооружени со автоматски пушки, а едниот во рацете имал палка при што физички бил нападнат.
Според кажување на оштетениот, соопшти денеска МВР, едно од лицата испукал неколку куршуми кон него но не го погодиле, по што сторителите го напуштиле местото на настанот.
На оштетениот му е укажана лекарска помош во Клиничка болница Тетово. Извршен е уви на местото на настанот при што пронајдени и подигнати се две празни чаури од автоматска пушка, еден неиспукан куршум и проектил.
Од пукањето, оштетени се и две паркирани возила. Се превземаат мерки и активности за целосно расветлување на случајот и пронаоѓање на сторителите.
