Маричиќ- Оберхубер: Преку заедничка соработка ги правиме промените и ја движиме земјата кон ЕУ

Од:

Заменик претседателот на Владата задолжен за европски прашања, Бојан Маричиќ, денеска се сретна со директорот на Германското друштво за интернационална соработка (GIZ) за Северна Македонија, Давид Оберхубер.

dobivaj vesti na viber

На средбата беше разговарано за досегашната успешна соработка со нашиот стратешки економски и политички партнер, Сојузна Република Германија, преку активноста на Германското друштво за интернационална соработка (GIZ) и се разгледаа можностите за соработка во релевантните области на европската интеграција како и за други области од интерес на македонските институции.

Вицепремиерот Маричиќ на состанокот ги потенцираше конкретните придобивки што ги имаме од соработката со ГИЗ, додавајќи дека нивното разновидно знаење и стручност се исклучително важни, а нивните пренесените искуства применливи, особено сега кога ги започнавме преговорите со ЕУ.

Соговорниците на средбата ја потврдија важноста и значењето на континуираната поддршка и соработка што нашата земја ги добива од Германското друштво за интернационална соработка (GIZ) во процесите важни за јакнење на институционалните и економски капацитети на државата, што се од исклучително значење за напредокот на нашата реформска агенда и евроинтегративниот процес.

Маричиќ на средбата се заблагодари за посветеноста и искрената волја за соработка и со директорот на Германското друштво за интернационална соработка (GIZ), Оберхубер се договорија дека ќе ја продолжат блиската соработка и во иднина, особено во различни проекти поврзани со спроведувањето реформите и реализацијата на европската агенда.

Би можело да ве интересира

Маричиќ за Поглавје 23: Судската реформа клучна за пристапување во ЕУ, имаме уште за работа

Маричиќ-Могерини: Ја активираме соработката со „Колеџот на Европа“ за поддршка во процесот на преговори со ЕУ

Маричиќ: Неопходен ни е политички консензус за продолжување и завршување на преговорите со ЕУ

Маричиќ од Брисел: Водиме социјална политика која има исти цели како европската

Маричиќ: Преговорите со ЕУ носат нови можности за бизнисот и висококвалитетни јавни услуги за граѓаните

Маричиќ: Реформите се одржливи, имаме препознаен напредок од ЕК и ни претстојат нови можности