Кандидатот за градоначалник на општина Тетово од ВМРО – ДПМНЕ Горан Манојловски денеска на прес – конференција пред зградата на локалната самоуправа укажа на, како што рече, несовесното работење на актуелната градоначалничка Теута Арифи во раководењето со општината и јавните претпријатија во нејзина надлежност.
– Деновиве се врши интезивно чистење на јавните површини низ Тетово за што се ангажирани повеќе нови работници. Ако навистина има нови вработувања и финасиски средства, Арифи треба да одговори кои се, од каде се и врз која основа се ангажирани. Бараме и јавен одговор зошто во истиот момент Општина Тетово доцни со исплатата на палтите за повеќе месеци во јавното комунално претпријатие Тетово и во градски паркинзи. Тетовци нема да го заборават индолентниот однос на гардоначалничката Арифи и нејзиниот кабинет во изминатите четири и пол години. Ваквиот начин на работа претставува потценувачки пристап кон граѓаните на општина Тетово и грубо кршење на изборниот законик, рече Манојловски.