Денеска во склоп на активностите и подготовките на големиот протестен собир што ќе се одржи утре, сите кандидати за градоначалници во Скопје и јас лично заедно со нашите тимови се обидовме, се надевам успешно, да поканиме што поголем број луѓе да присуствуваат на утрешниот митинг. Сакам да го изразам моето задоволство дека најчестата реченица што ни ја возвраќаа граѓаните што ги сретнавме беше – се гледаме утре.
Навистина се создава една висока мобилизација не само кај членовите и симпатизерите туку и кај граѓаните и навистина утре со право може да се каже дека ќе се одржи најголемиот митинг во Република Македонија, во плурална Македонија.