Македонски полициски синдикат: Ниту еден вработен во МВР да не биде испратен на терен без маска

Од:

Македонскиот полициски синдикат, откако беше објавено дека тројца вработени во МВР се заразени со коронавирус, го повикува министерот за внатрешни работи Наќе Чулев веднаш да превземе засилени мерки и активности во насока на заштита на полициските службеници на терен кои се секојдневно дирекно изложени на опасност од коронавирусот.

„Од Ваша страна по итно бараме да бидат превземени минимум следните мерки и активности: -преку службите за општи и заеднички работи до сите организациони единици во Министерството за внатрешни работи кои што при вршењето на редовните работни задачи се во директен контакт со странки, редовно и навремено на колегите да им бидат доставени заштитни маски, гумени ракавици чие носење ќе биде задолжително и истите да бидат задолжувани при секое заминување на работа; пред сите поголеми ОЕ на МВР да се постават пунктови за дезинфекција на службените возила; да се врши вонредна дезинфекција на сите простории во кои престојуваат и работат колегите“, пишува во писменото барање на Македонскиот полициски синдикат.

Тие велат дека не смее да се дозволи ниту еден вработен во МВР да биде испратен на терен без соодветна заштитна маска, ракавици и средство за дезинфекција.

„Го повикуваме министерот, следејќи го примерот со најавеното покачување на платата на најизложените здравствени работници во борбата против Ковид-19 за 20 % за месеците март и април да ја покачи платата и на полициските службеници“, пишува во соопштението од МПС.

Би можело да ве интересира

Уште се чека за пасош со месеци, постапката забрзана ама само за оние што имаат да платат 100 евра

МВР: Скопјанка нападнала новинар, но и полициски службеник

Тошковски: Управниот суд донесе пресуди со кои поништи три незаконски одлуки на Владата

Орце Костов

Убиениот лекар бил матичен од Железара – се прегледува видеонадзорот за да се најде убиецот

Анита Петровска Рајковиќ

Приведена тетовка барана со потерница

Уапсени двајца скопјани затекнати како се дрогираат во стан на дилер од Скопје – уапсен и дилерот