Македонија ќе и помага Украина се додека е потребно, му вети Ковачевски на Зеленски

Од:

Во рамки на посетета на Атина, претседателот на Владата на Република Северна Македонија, Димитар Ковачевски денеска оствари средба со претседателот на Украина, Володимир Зеленски. На средбата присуствуваше и заменик претседателот на Владата задолжен за европски прашања, Бојан Маричиќ.

На средбата, премиерот Ковачевски ја нагласи континуираната и силна македонска поддршка на Украина во напорите за одбрана на земјата и враќање на слободата и мирот, а со тоа и стабилноста во регионот. Осудувајќи ја бруталната воена агресија која Русија ја врши врз независна и суверена Украина, Ковачевски повтори дека Северна Македонија ќе продолжи со недвосмислена и силна поддршка за Украина, во нејзината самоодбрана и заштита на независноста, суверенитетот и територијалниот интегритет. Овој пристап, Северна Македонија јасно го манифестира како на билатерална основа, така и во рамките на НАТО, како и со приклучувањето кон Декларацијата на земјите од Г7 за безбедносни гаранции за Украина.

Премиерот Ковачевски истакна дека Северрна Македонија ќе продолжи да и помага на Украина се додека тоа е потребно, преку испраќање помош кон Украина, како што тоа го правеше и досега.

Претседателот Зеленски изрази благодарност за поддршката на Северна Македонија на Украина од почетокот на воената агресија, која е значајна за украинските сили и која украинскиот народ високо ја цени. Претседателот Зеленски информира за најновиот развој на состојбите на теренот.

Би можело да ве интересира

Зеленски: Нови правила за преминување на границата за мажи на возраст од 18 до 22 години

А1он

Орбан: Зеленски ќе се соочи со долгорочни последици

Горан Наумовски

Путин е подготвен да се сретне со Зеленски, под услов на состанокот навистина да се одлучи нешто, вели Лавров

Горан Наумовски

ВИДЕО: Зошто Путин не сака да седне со Зеленски? Трамп: Затоа што не му се допаѓа

Украина го критикуваше Вуди Ален за неговото учество на Московската филмска недела

Зеленски: Безбедносните гаранции ќе бидат готови за неколку дена

Горан Наумовски