Македонија и состојбата со ЛГБТИ-правата низ призмата на евроинтеграциите

Од:

Субверзивен фронт (С-Фронт) по повод 17 мај, Меѓународниот ден за борба против хомофобија, трансфобија и бифобија (IDAHOBIT) организира конференција посветена на состојбата и правата на ЛГБТИ-лицата во Македонија и прогресот во евроинтеграциските процеси на земјата.

Во рамки на конференцијата, акцент ќе се стави на усогласувањето на македонското со законодавството на ЕУ, примената и почитувањето на Европската конвенција за човекови права, како и препораките на Европскиот парламент и Европската комисија за зајакнување на антидискриминациските закони во земјата.

Во првиот дел од конференцијата, излагање за состојбата на ЛГБТИ-заедницата во Република Македонија ќе има активистот и претседател на С-фронт, Антонио Михајлов, како и холандскиот амбасадор Ваутер Пломп, кој ќе говори за начинот на кој Холандија, а и земјите-членки на ЕУ се справуваат со дискриминацијата и говорот на омраза засновани на сексуалната ориентација и родовиот идентитет, кои претставуваат горливи проблеми во македонскиот контекст.

Свое видување за состојбата и придвижувањето на политичката сцена во борбата за ЛГБТИ правата, кои истовремено се и основни човекови права, како и во борбата со дискриминацијата ќе говорат потпретседателот на СДСМ, Дамјан Манчевски, членката на извршниот одбор на ЛДП, Никица Корубин, извршниот директѕор на Х.Е.Р.А., Бојан Јовановски и програмската асистентка на С-Фронт, Викторија Бондиќова.

На крајот на конференцијата ќе биде доделена и наградата „Поддржувач на годината“, која се доделува на истакнати личности од јавниот и политичкиот живот во Македонија за нивниот континуиран, значаен придонес во кампањата за еднакви права за ЛГБТИ-лицата.

Наградата „Поддржувач на годината“ се доделува по втор пат. Минатата година, првата награда од овој тип му беше доделена на новинарот и ТВ-водител Огнен Јанески.

Би можело да ве интересира

Во САД се бара да се забранат книги со ЛГБТ тематика

А1он

Со боксови нападнат ЛГБТИ активист во Сарај: Ќе те убиеме, а другарките ќе ги силуваме

Кристијан Ландов

Во Канада најмногу се почитуваат ЛГБТИ правата, земјава на 83. место

Сандра Бошковска

Морачанин од ДОМ координаторка на Интерпартиската парламентарна група за правата на ЛГБТИ лицата

Наум Локоски

ЛГБТИ луѓето и организациите ги препознаваат и користат можностите кои се создадоа во променетиот политички контекст

Наум Локоски

Манчевски: Секој треба да ужива во своите човекови права без разлика на неговата сексуална ориентација

Наум Локоски