Претставници на владите на Македонија и на Бугарија во рамки на денешната заедничка седница во Струмица потпишаа неколку спогодби за соработка во повеќе области.
Министрите за одбрана на Македонија и на Бугарија, Радмила Шекеринска и Красимир Каракачанов потпишаа Протокол за соработка во спроведувањето обуки за припадници на АРМ во воентите школи во Бугарија.
Македонија и Бугарија денеска со меморандум ја официјализираа и најавата за намалување на меѓународните тарифи за роаминг во телекомуникациските услуги.
Бугарскиот министер за туризам Николина Ангелкова и македонскиот заменик-минситер за економија Кире Наумов, потпишаа Договор за соработка во туризмот. Договорот, меѓу другото, предвидува интензивна соработка во туризмот, зголемување на меѓусебните туристички посети и заедничко учество на туристички саеми.
Во Струмица беа потпишани и два договора за соработка во енергетскиот сектор.
Агенциите за катастар на двете земји, пак, потпишаа договор за размена на картографски и геодетски материјали и информации.