Македонија била крајната дестинација за кокаинот од 1.3 тони

Од:

Кокаинот од 1.3 тони со потекло од Колумбија за кој вечерва се спроведуваше голема полициска акција во соработка со италијанската полиција, требало да заврши во Македонија, потврдуваат за А1он високи полициски извори.

„Станува збор за контролирана пратка од 1.3 тони кокаин. Акцијата беше изведена заедно со италијанската полиција, а во договор на двете служби беше одлучено најголемиот дел од пратката да заврши во Италија, додека во земјава да биде најден само еден килограм, што впрочем и се случи“, велат истите извори.

Засега, познато е само дека во земјава е најден само еден килограм кокаин, а за остатокот се уште не е познато дали дрогата е запленета во Италија.

Рутата по која се шверцувал кокаинот бил Црна Гора – Албанија, преку граничниот премин Ќафасан. Во Крушопек, кокаинот бил фатен скриен во камион кој увезувал банани.

Високи полициски извори за А1он брифираат дека фирмата која превезувала банани е „Бантекс“, чиј сопственик е извесен Садула Едиби.

Обвинителството за организиран криминал и корупција вели дека акцијата која ја спроведува Министерството за внатрешни работи, а се однесува на заплена на дрога во Крушопек е резултат на соработка со обвинител од Италија.

„По насока на надлежен јавен обвинител од ОЈО ГОКК, МВР спроведува акција во околината на Скопје. Акцијата е резултат на повеќедневна соработка и размена на информации со обвинител од Италија од округот Калабрија. За видот и количеството на запленетата дрога, како и за понатамошната постапка обвинителството ќе ја информира јавноста во текот на утрешниот ден“, велат од ОЈО за „А1он“.

 

Би можело да ве интересира

МВР: Движење за време на полициски час за лица со попреченост и земјоделци

Ана Ололовска

Во Дебар уште осум лица во самоизолација, граѓаните го почитуваат карантинот

Ана Ололовска

Македонскиот полициски синдикат бара поголема заштита на припадниците на МВР

А1он

Полицијата поднесе 29 кривични пријави за граѓани од Струмица и Радовиш кои не ја почитувале забраната за движење

А1он

Независниот синдикат на полицијата бара поголема заштита на полицајците кои се на терен

Ана Ололовска

Еден од двајцата починати во Куманово е припадник на граничната полиција

Мери Јордановска