Лукаревска ја напушти функцијата директор на УЈП, на нејзино место назначен Фарук Омери

Од:

По верификувањето на мандатот за пратеник, Сања Лукаревска ја напушта функцијата директор на Упрвата за јавни приходи, а на нејзино место за в.д директор е поставен Фарук Омери, кој пред назначувањето бил помошник директор во Управата, информираат од УЈП за „А1он“.

Лукаревска вели дека засега останува на функцијата пратеник, а дали ќе биде именувана на друга функција, доколку СДСМ состави нова Влада, ќе одлучува премиерот.

„Како ќе одлучи Премиерот Зоран Заев со формирањето на новата Влада така ќе биде. Заради законоското ограничување , во моментов не можам да повеќе да бидам избран функционер од Владата затоа што сум пратеник во Собранието“ изјави кусо Лукаревска.

На оваа функција Лукаревска беше три години и за време на нејзиното директорување се спроведува еден од најголемите проекти што ги најави СДСМ на претходните избори, „Мој данок-мој ДДВ“, преку кој граѓаните со скенирање на фискални сметки остваруваат поврат на дел од платениот данок. Таа беше носител на листата во втората изборна единица од коалицијата „Можеме“ предводена од СДСМ, која освои најмногу пратенички мандати на изборите на 15 јули, а на 4 август ѝ беше верифициран мандатот за пратеник во новиот собраниски состав.

Освен Лукаревска, и други функционери од редовите на СДСМ ги напуштија функциите. Така, на директорското место на Мартин Костовски од Службен весник е назначена Татјана Лалчевска. Откако станаа пратеници, функциите ги напуштија и Дарко Каевски, кој беше директор на Агенцијата за млади и спорт, Фаница Николовска од Државниот управен инспекторат и Боби Мојсоски од казнено-поправната установа „Идризово“.

Би можело да ве интересира

УЈП ја објави новата листа на должници: 1801 фирма и 3606 граѓани должат 160 милиони евра

Орце Костов

Продолжување на рокот за поднесување ДДВ-04 пријави и надградба на ситемот е-ПДД

ВМРО-ДПМНЕ: Лукаревска место да поднесе кривична пријава до фирмите за криминал тежок над 22 милиони евра, таа ги става на листа на должници

Стоилковски: Зошто Лукаревска не поднесе кривична пријава, туку фирмите ги става на листа на должници

Реакција на УЈП на прес-конференцијата на портпаролот на ВМРО-ДПМНЕ

Демант од УЈП за тврдењата на ВМРО-ДПМНЕ: Нема извршен поврат на ДДВ, даночните обврзници имаат даночен долг