Лидерската средба се уште неизвесна

Од:

Се уште „виси“ договорот дали, кога и под кои услови лидерската четворка ќе седне на преговарачка маса. Официјално, како и досега Груевски, Заев, Ахмети и Тачи прифаќаат немаат ништо против одржување на ваква средба, но неофицијално има разлики во толкувањето што е сработено и што останува како тема за преговори.

ВМРО-ДПМНЕ чека покана за средба и бара СДСМ да се изјасни дали го прифаќа избирачкиот список и потоа да се преговара за нов датум за избори.

СДСМ останува на ставот за чист список и регулацијата на медиумската сфера. 18 јуни е рокот да се исполнат барањата на Шарената револуција, во спротивно за СДСМ договорот од Пржино ќе биде мртов .

ДУИ и ДПА не гледаат причина, но не се ни противат за одржување средба на лидерската четворка. Се очекува меѓународниот фактор да даде поттик за ваква средба и откочување на процесот.
Брисел се надева дека оваа недела ќе се одржи лидерска средба на која партиите ќе поведат иницијатива за договор за организирање на фер избори. Од Европската комисија велат дека се во постојан контакт со партиите и ги следат случувањата во Македонија.

Би можело да ве интересира

Нацистички ловец во Франција ги советува Евреите да гласаат за екстремната десница

Горан Наумовски

Избори во Велика Британија: Граѓаните одлучуваат кој ќе ја формира нова влада

Горан Наумовски

Утре се изборите во Велика Британија, некои конзервативци веќе го признаа поразот

Франција: До 17 часот гласале 59,39 отсто од гласачите, што е најголема излезност од 1978 година

Левичарските партии во Франција заедно излегуваат на избори против Макрон и Ле Пен

Макрон го распушти собранието и распиша избори за 30 јуни

A1on