Четворицата лидери на најголемите политички партии ВМРО-ДПМНЕ, СДСМ, ДУИ и ДПА, Никола Груевски, Зоран Заев, Али Ахмети, Мендух Тачи, денеска во 14.30 ќе одржат лидерска средба во Клубот на пратеници.
По барање на лидерот на опозицијата Зоран Заев, на средбата ќе учествуваат и амбасадорите на САД и ЕУ, Џес Бејли и Аиво Орав.
Неофицијално дел од учесниците на средбата очекувата да биде презентиран и план за излез од политичката криза.
Тема на разговор ќе биде излез од политичката криза, а средбата доаѓа откако премиерот Никола Груевски, лидерот на ДУИ, Али Ахмети и лидерот на опозициската СДСМ, Зоран Заев одделно имаа средби со амбасадорите на САД, ЕУ, Велика Британија, Германија, Франција и Италија.
