Зоран Заев, Зоран Јовановски и Игор Ивановски се тројцата кандидати кои според Извршниот одбор на СДСМ имаат приближно исти заложби за раководење со најголемата опозициска партија и приближно компактибилни концепти.
„Овие кандидати изразија подготвеност заради поуспешен конгрес, да вложат значителен ангажман во наредните неколку дена, за да се направи приближување и усогласување на концептите, а преку таквиот позитивен пристап, што е можно повеќе да се намали бројот на кандидати за претседател на СДСМ“, информираат од најголемата опозициска партија.
Ова е официјалниот став, но нема информации се уште што се случува со иницијативата Бранко Црвенковски да биде повторно номиниран. За ова вечерва не се расправало.
Уредна е и кандидатурата на Кире Наумов.
По вечерашната седница ќе заседава и одлуката ќе ја изгради и Централниот одбор, а конечниот збор кој ќе седне во претседателската фотеља на Бихачка, или по ново Павел Шатев, ќе го имаат 705-те делегати на Конгресот на 2. јуни.