Лицето примено на Инфективната клиника нема коронавирус

Од:

Негативен е тестот за коронавирус на лицето кое вечерва беше примено на Инфективната клиника со симптоми на грип, соопштуваат од Министерството за здравство.

Станува збор за италијански државјанин кој вчера со попладневниот лет на „Визер“ од Милано пристигнал во Скопје.

Тој имал лесна клиничка слика, немал покачена телесна температура и неговата состојба е стабилна. Патникот поминал низ термалната камера, која кај него не дијагностицирала симптоматологија на болест. Сепак, пациентот сам се пријавил на клиниката откако почувствувал одредени тегоби, бил ставен во изолација и кај него биле направени тестови согласно утврдениот протокол кои се покажале негативни.

„Будно ја следиме состојбата и во континуитет постапуваме по препораките на Светската здравствена организација, а од денеска Министерството за здравство го подигна степенот на подготвеност на највисоко ниво. Се формира Кризен штаб во рамките на Министерството, а на сила стапија и нови зајакнати мерки за превенција од и справување со евентуални заболени од корона вирус“, велат од Министерството.

Би можело да ве интересира

Министерство за здравство: Петличковски и понатаму ја извршува функцијата претседател на Комисијата за заразни болести

Конкурси за вработување во здравство по избори, дотогаш продолжен договор на дело

Министерството за здравство тврди дека сите пациенти со дијабетес примаат инсулинска терапија

Разрешена директорката на Клиниката за инфективни болести, Милена Стевановиќ, на нејзино место назначен Фадил Цана

Министерство за здравство: ВМРО-ДПМНЕ се служат со лаги и манипулации за да го нарушат имиџот на министерот

Платите годинава се покачени двапати – Министерство за здравство им одговори на штрајкувачите

Катерина Ѓуровски