Левица: Зголемен број на наставници, намален број на ученици – 73% од учениците се функционално неписмени

Од:

Со години наназад бројот на ученици во македонските училишта опаѓа, а бројот на наставници континуирано расте. Само оваа година, споредено со претходната, во училиштата ширум Македонија биле ангажирани над 600 наставници повеќе. Во исто време, бројот на основци и средношколци се намалил за неколку илјади, велат од Левица.

„За жал зголемениот број на наставници не значи и поголем квалитет на образованието. ПИСА тестирањето јасно покажува дека дури 73,6% од учениците на 15-годишна возраст се функционално неписмени – не се оспособени да читаат со разбирање. Исто така, 66,2% не ја совладале математиката на основно ниво, а 65,3% не го разбираат основниот концепт од природните науки. Според извештајот на УНИЦЕФ, секое трето дете до 18 години е функционално неписмено!

Во меѓувреме, просечниот успех на учениците расте, а сè помалку ученици одат на поправни испити или повторуваат одделение, што директно покажува дека оценките се девалвирани и не ја одразуваат реалната слика.

Ако земеме предвид дека бројот на млади во државата драстично опаѓа – за една деценија, од 2011 до 2021, бројот на деца до 18 години е намален за 18% – и ако од тие што останале секое трето дете е функционално неписмено, тогаш јасно е дека партиите на власт ја уништуваат иднината на Македонија. Ова е резултат на децениското владеење на ротирачките партии – ВМРО-ДПМНЕ, СДСМ и ДУИ – кои девастивирајќи го образовниот систем, го обезбедуваат сопственото владеење.

Ова не е само статистика, туку аларм за итна промена! Нужно е итно да се крене глас и да се бара одговорност од оние кои го доведоа образовниот систем до колапс! Ученици без книги, просветни работници без потребни квалификации, училишта што не исполнуваат никакви стандарди и кадаровската политика согласно потребите на партиите, доведе до пеплосување на образовниот систем, којшто наместо да гради, ја уништува иднината на учениците, тврдат од партијата.

Би можело да ве интересира

(ВИДЕО) Манасиевски: Раководството на сметководственото биро Левица во џеб ставило над два милиони денари

Манасиевски: Левичарите од Али Експрес како Реџеп Исмаил го покажаа вистинското лице, близу 300 илјади денари повлекол и тој од благајната на Левица

Катерина Ѓуровски

Димитриев: Работникот е во центарот на нашето внимание

А1он

(ВИДЕО) Манасиевски: Мојсоска, како пратеник, не смеела да остварува профит и да врши сметководствени услуги за Левица

ВМРО-ДПМНЕ: Апасиев, Мојсоска и Мециновиќ додека глумат револуционери ја користат партијата за лично богатење

Германската левица го дуплира членството