Левица: За незаконската донација од „Еуровиа” на ДУИ му следи суспензија на државното финансирање

Од:

Скандалот со добиениот тендер во вредност од 1.8 милиони евра на фирмата „Еуровиа”, која е донатор на ДУИ, ја потврди заштитата од органите на прогонот на партијата на Ахмети. Оваа компанија, која е во сопственост на внук на поранешен министер на ДУИ, само во последниве пет години добила тендери во вредност од 16 милиони евра велат од Левица.

– Покрај сомнежите за корупција при добивање на тендерот за оваа компанија-миленик на ДУИ, незаконитост има и во висината на донациите од страна на „Еуровиа”. Односно, износот на донацијата изнесува шест пати повеќе од законскиот максимум за донација. Законот за финансирање на партии предвидува политичката партија најдоцна во рок од 15 дена од денот на добивањето на донацијата, разликата меѓу дозволената и донираната вредност да ја врати на донаторот. Доколку ДУИ не постапиле согласно овој закон, Законот предвидува суспензија на државното финансирање која го добива партијата, која во мај доби 600.000 евра од Буџетот на Република Македонија. Манипулациите на министерот Османи се потценувачки за јавноста, кој изјави дека не знаел дека се работи за компанија – донатор на ДУИ, за подоцна да се појави заедничка слика со сопственикот Елмедин Адеми. Бидејќи неколку дена од ДУИ одбиваат да одговорат дали е вратена незаконската донација, оправдани се сомнежите дека и во овој скандал институциите не постапиле согласно законите. Левица го повикува Државниот завод за ревизија да постапи согласно своите законски надлежности и да поднесе барање за поведување на прекршочна постапка или пријава до Обвинителство согласно законот – во спротивно, Левица ќе поднесе со цел доследно спроведување на законот. Јасно е дека неказнивоста на ДУИ е најголем генератор на криминал и корупција, додека нивната заштита од органите на прогонот резултира со држава која е претворена во хибриден режим, каде компаниите блиски на ДУИ го цедат буџетот финансиран од џебот на сиромашните граѓани. се вели во соопштението од Левица.

Би можело да ве интересира

Со инженер од ЈП Водовод во тимот, Мециновиќ најавува решенија за Скопје, тврдат од Левица

ВМРО-ДПМНЕ: ДУИ не се Албанците, ДУИ е криминалната коалиција на злото

Левица: ДПМНЕ преку Еразмус+ дели пари на универзитетот на Мерко наместо да го затвори

Горан Наумовски

Османи: Меџити губи со 10 отсто разлика, затоа фабрикуваат афери

ДУИ: ВМРО-ДПМНЕ е последната партија која има право да држи лекции за борбата против корупцијата, криминалот и политичките влијанија

Мециновиќ: Скопјани кои го градеа градот не можат да обезбедат дом од лудите цени на нехуманата урбанизација

Горан Наумовски