Левица: Власта повеќе нема легитимитет, итно да се распушти Собранието

„Левица изразува револт и најостра осуда на процесот на усвојување на уставните измени. Распишаа против-уставен референдум со манипулативно прашање. Полнеа кутии. Не го почитуваа резултатот на референдумот. Амнестираа пратеници за да им ги гласаат уставните измени. Направија политички дил за да избега Никола Груевски. Го променија Кривичниот законик за да спасат осудени лица од затвор и за себеси да си ги олеснат идните злоупотреби на власта. Неодлучноста, пасивноста на ВМРО – ДПМНЕ во текот на целиот процес и ставањето на тацна на своите пратеници да бидат уценувани и купувани во собраниските канцеларии е уште еден показател дека уставните измени беа изгласани во дослух меѓу партиите од власта и најголемата опозициона партија. Граѓаните немаат свои преставници во Собранието кои ќе се спротистават на газењето на демократијата, на правната држава и газењето на правото на самоопределување!

Власта целосно се делегитимира во очите на граѓаните. Ништо што ветија на изборите не исполнија. Во безброј наврати премиерот го лажеше сопствениот народ, едно зборувајќи, правејќи го токму спротивното. Продолжија со коруптивното и клиентелистичко владеење, полнејќи ги институциите со партиски војници, шурувајќи со крупниот капитал, осиромашувајќи го народот. За такво владеење – не ги добија гласовите на изборите.

Поради сето ова, Левица бара од власта под итно да го распушти Собранието и да распише предвремени парламентарни избори заедно со претседателските. Ако сметате дека ја уживате поддршката на граѓаните за силувањето на демократијата, за силувањето на правната држава, за коруптивното владеење, распишете предвремени парламентарни избори.

На крај, ги повикуваме граѓаните да не паѓаат со духот. Огромно е разочарувањето. Огромно е чувството на немоќ. Огромна е апатијата. Но, ако се откажеме од борбата, само полошо ќе биде. Мора да се самоорганизираме и да се спротивставиме на коруптивните врхушки кои ресичи 30 години нѐ цицаат, нѐ осиромашуваат, ни го прават животот мизерен. Ако не за нас, барем за нашите деца, не смееме да се откажуваме од борбата. Борбата продолжува! Таа никогаш и не заврши“ се вели во соопштението на Левица.

Би можело да ве интересира

Предлог-законот за заштита на правата на пациентите го помина првото читање

Ана Ололовска

Левица: Правдата не може да биде испорачана од партиски пазарења и лидерски средби

Ана Ололовска

Лашкоска: Тоа што Владата го презентирала пред комитетот на УНЕСКО не соодветствува со тоа што го нуди како предлог-закон

Ана Ололовска

Левица: СДСМ и ДУИ манипулираа во Баку и воведуваат Бадинтер со исклучена јавност

Ана Ололовска

Левица: Земјоделците се оставени на милост и немилост на пазарот

Ана Ололовска

Законот за управување на природното и културното наследство во Охрид пред пратениците

Ана Ололовска