Левица: Уставен суд не отвори предмет за преименувањето на улиците по балисти

Од:

Уставниот суд одби да отвори предмет по уставната иницијатива на Левица со која беше оспорена Одлуката за промена на улиците по балистички и шовинистички ликови, донесена од страна на Советот на Град Скопје во мандатот на Петре Шилегов, велат од Левица.

„Оваа скандалозна Одлука, донесена од тогашната локална власт на СДС и ДУИ, освен што претставуваше популистичка мерка и обид за мобилизирање на изборни гласови од албанското гласачко тело, истата е директна спротивност на член 6 од Законот за именување на улици, мостови и плоштади. Имено, оваа Одлука ги навредува националните чувства на македонскиот народ и предизвикува нетрпеливост и раздор помеѓу етничките заедници во Република Македонија.

Улиците кои се опфатени со нашата иницијатива сега ги носат имињата на Адем Демачи, Ернест Колиќи, Митхад Фрашери и Сул Хота, коишто не само што немаат никаква допирна точка со македонската историја и македонската држава, туку се и спротивни на антифашистичкиот дух на борбата на македонскиот народ за слободна држава. Потсетуваме дека со ваквата одлука беа избришани имиња на улици кои ја симболизираат антифашистичката борба на македонската нација, како улиците „Втора македонска бригада“ и „Македонска Косовска Бригада“.

Тенденцијата на ваквите одлуки е јасна – системско бришење на заедничката борба против фашизмот врз која почива македонската држава и инсталирање врховистичко-балистички елементи, како дел од ревизионизмот на македонскиот идентитет, велат од партијата.

Левица оценува дека е скандалозен потегот на Уставниот суд да ја отфрли поднесената иницијатива и со тоа да му даде легитимитет на процесот на бришење на АСНОМ.

Би можело да ве интересира

СДСМ нема никаква соработка со ДУИ и Левица, тоа се само празни, неиздржани обвинувања, вели Филипче

(ВИДЕО) Мециновиќ: Кампањата ја селиме на улица

Левица: Мојсоска поднесе ургенција до МВР и Обвинителство – дивоградбата си крена уште еден кат

Левица: ОБСЕ ја истражува цензурата врз партијата

Апасиев најавува битка до Стразбур доколку македонските судови не реагираат на политичката дискриминација

А1он

Левица бара итна мерка од Уставниот суд против забраната за платено политичко рекламирање