„Минирањето на мермерот во близина на селото Ореовец, прилепско, предизвикува сериозни еколошки проблеми коишто ја загрозуваат животната средина и здравјето на локалното население. Не само што физички сe уништувa теренот, туку и се загадувaaт подземните води, кои се клучни за опстанокот на локалната заедница.
Проблематично е и тоа што мермерот кој се ископува не е материјал погоден за изградба на автопати, и е познат по својата декоративна вредност и релативна мекост. Неговото користење како градежен материјал е неколку пати поскапо отколку каменот варовник кој го има во изобилство во државата и веќе активно се ископува.
Оваа несоодветната употреба ја ништи и оправданоста на овој ископ и покрај огромните еколошки последици – потребна е ревизија на доделените права за експлоатација”, рече на прес-конференција, Андреј Куцуловски, координатор на Зелениот сектор на Левица.