Левица: ПОЦ ги дискриминира лицата со попреченост

Од:

Поради неспособност и отсуство на политичка волја на владејачката гарнитура, лицата со попреченост мора да се борат со дискриминаторскиот однос на институциите на системот. Еден од примерите за дискриминација на лицата со попреченост е неможноста сите лица со попреченост да користат повластен паркинг во општина Центар реагираат од Левица.

– Нецелосниот и ограничувачки Правилник на ПОЦ предвидува дека лице со попреченост има право на повластен паркинг доколку тоа или близок член на семејството поседува возило, а ваквите лица често не се во состојба да возат. Со овој Правилник не се опфатени личните асистенти на лицата со попреченост. При еден ваков случај кај жена со претрпен мозочен удар, одговорот кој го добила од Управниот одбор на ПОЦ бил да си плати тн гостинска картичка за персоналниот асистент – што е директна дискриминација. Поради преголемиот трошок за паркинг, кој личните асистенти мораат секојдневно да го плаќаат при вршење на својата работа, истите се откажуваат од неа, при што директна штета трпат лицата со попреченост. Бараме директорот на ПОЦ – Душко Коцевски итно да иницира мерки за промена на дискриминирачкиот Правилник! Со корекција на Правилникот на ПОЦ, многу лесно може да се изнајде соодветно решение за проширување на лицата за повластен паркинг да можат да ги користат и личните асистенти на лицата со попреченост, се вели во соопштението од партијата.

Би можело да ве интересира

Левица поднесе интерпелација за републичкиот јавен обвинител Коцевски

Левица: Македонија ќе одвојува 5% од БДП за туѓи војни, додека народот е во борба за преживување

Катерина Ѓуровски

Апасиев: Фасцинантна е вашата ароганција и креативност со цел да ги заташкате работите

Левица: Автокамп-дивоградба во Ресен узурпира државно земјиште и незаконски наплаќа од граѓани

МВР ги демантира тврдењата на Левица за испитниот центар во Битола

Левица: Пелагонија пет месеци без испитен центар за Тошковски да го намести милионскиот бизнис на сопартиец