Трошоците за живот растат од ден во ден, додека минималната плата стагнира со години. За тоа каков е работничкиот стандард, лукративната Влада предводена од ДПМНЕ и ЗНАМ не се интересира. Додека ги минираат синдикатите и работат на нивно делегитимирање, за власта единствено е важно нејзините функционери да бидат задоволни,. Па така, следеше уште едно зголемување на платите, но наместо на работниците, отиде на конто на функционерите, велат од Левица.
„Стотиците ново измислени работни места во администрацијата очигледно не се доволни да се задоволат апетитите на коалициoните партнери и потребно е истите дополнително финансиски да се стимулираат. Кога се работи за луѓето на власт, не важат истите економски правила како за обичниот работник. Власта која во предизборието ветуваше зголемување на минималната плата, единствено ја зголеми инфлацијата, но за возврат на тоа, вештачки ја намалува минималната потрошувачка кошничка.
ДПМНЕ и Мицкоски можат и понатаму да продолжат со криење зад фингирани бројки за раст и напредок со цел да ја оправдаат ароганцијата со која владеат. Но, вистината е едноставна – оваа власт на ДМПНЕ, ЗНАМ и ВРЕДИ не работи за народот, туку за себе! Секое покачување на платите што не оди на конто работниците е уште еден чекор кон продлабочување на класната нееднаквост.
Потсетуваме, Пратениците на #Левица во Собрание го поднесоа Предлог-законот за покачување на минималната плата, согласно барањата на синдикатите на 30 000 денари. Народот не бара луксуз, туку егзистенција! Ја повикуваме Владата на ДПМНЕ, ЗНАМ и ВРЕДИ да покажат минимум доблест пред граѓаните и го прифатат предлогот на Левица за покачување на минималната плата. Крајно време е „четвртата економска сила во Европа“ да ја зголеми минималната плата, тврдат од партијата.
