Левица: Министерот Лимани ги остави градинките во Струга без кадар

Од:

Наместо насмеани лица на воспитачките во градинките, во Струга дечињата ги пречекаа затворени врати – министерот Лимани ги остави градинките во Струга без кадар. Причината зошто овие дечиња не се згрижени во градинка е недоволен број на стручен кадар – најголемиот проблем кој никако да се реши. Иако Министерот Фатмир Лимани најави дека посветено ќе работат за намалување на листите за чекање за упис во градинките, бидејќи секое дете е важно, реалноста кажува сосем друго, велат од Левица.

„За жал, бројот на вработените воспитувачки и негователки се намалува, а нивното место не се пополнува ниту по заминување во пензија, а поради тоа на повеќе дечиња им е ускратено правото да можат да бидат згрижени во градинка. Сите политички партии ветуваат дека ќе нема повеќе листи за чекање на прием во градинките и дека ќе се вработат доволен број на воспитувачки и негователки, но тоа останува само нереализирано предизборно ветување. Ваквиот нечовечки однос кон најмалите и најмилите жители на нашата држава е уште еден доказ дека оваа власт е исто толку ненародна колку што беше и Владата на СДС и ДУИ. Левица апелира за итно решавање на проблемот со обезбедување компетентен и стручен кадар и изнаоѓање решенија за згрижување на сите дечиња од т.н. ,,листи на чекање” – сè во интерес на најмалите, нивните родители и потесни семејства“, тврдат од партијата.

Би можело да ве интересира

Ново обвинение за Мерко, овој пат за злоупотреби при осветлувањето на коритото на Црн Дрим

Манасиевски: Од наводно неподмитливи до профитери, ова е вистинското лице на Апасиев и Левица

Катерина Ѓуровски

Левица: На Мицкоски и ДПМНЕ им порачуваме да не се бламираат – имаме кандидати за градоначалници во Тетово, Гостивар, Струга, а ДПМНЕ коленичи пред Вреди

Мојсоска: Сега е моментот да им се покаже на големите играчи дека „Македонија е подалеку од Групчин“

Пратеникот Јанчев не возел под дејство на алкохол и над дозволената брзина, моторциклот се забил во вратата на автомобилот, објаснуваат од Левица

„Општината е како гасна комора“ – Активисти на Левица делеа маски на театарскиот фестивал во Аеродром