Политичкото лицемерие на Христијан Мицкоски и ДПМНЕ не знае за граници. Пред три дена, пратениците на ДПМНЕ под јавен притисок гласаа „ЗА“ Интерпелацијата на Левица за државниот jавен обвинител Љупчо Коцевски. Пред два дена од партијата побараа обвинителот да си поднесе оставка. Денес, пак, премиерот обзнани дека и покрај законските можности, Владата нема намера да го разреши Љупчо Коцевски, велат од Левица.
„Покрај сѐ останато, главниот аргумент во интерпелацијата на Левица за обвинителот Коцевски беше токму селективноста во истрагата и штитењето на функционери од партиите на власт, за трагедијата во Кочани. За жал, Мицкоски и ВМРО-ДПМНЕ уште еднаш потврдија дека сопствените функционери и партиски подлизуrковци им се далеку побитни од вистината, одговорноста и правдата за прерано изгубените млади човечки животи.
И покрај тоа што пратениците од партиите на власта ja гласаа интерпелацијата за Коцевски, Христијан Мицкоски избира да покаже среден прст на Собранието, како единствена институција која директно ги претставува граѓаните, па дури и на гласот на сопствените пратеници. Ова релативизирање на процесот е јасен политички пазар, Владата ја стопира интерпелацијата за обвинителот Коцевски, а тој преку неосновани и тешко докажливи обвиненија ги амнестира од одговорност функционерите на Мицкоски за случајот во Кочани.
Довербата во правосудниот систем и правната држава одамна е потоната. Со ваквата политика на Владата тоне и последната надеж дека ќе има правда за загубените млади животи во Кочани. Левица го осудува неследењето на народната волја од страна на здружените Мицкоски и Коцевски искажана преку Собранието. Ова го оценуваме како спремност на лидерите на овие две високи јавни функции да прегазат преку човечки животи без никаков проблем, само за да ги задоволат сопствените и лукративните интереси на своите соработници, тврдат од партијата.