Левица: Корупцијата царува во затворите – животот во казнено поправните установи под секое човечко ниво

Од:

Во затворот „Идризово“ се случила масовна тепачка меѓу затворениците. Повеќе лица се здобиле со тешки повреди, додека едно лице било претепано до смрт. Ова е последен инцидент во долгата серија на настани што се имаат случено во затворот „Идризово“ изминативе години: од филмските обиди за бегство, до оваа масовна тепачка. За жал, се чини дека ова нема да биде последен ваков случај, се вели во соопштението од Левица.

„Животната состојба во затворите е повеќе од загрижувачка и нехумана. Ова го потврдува и Годишниот извештај на Народниот правобранител во кој се опишува катастрофалната состојба во однос на хигиената, но и пренатрупаностна на просториите, кои пред сè, се извор на ширење на заразни болести. Условите за живот во казнено – поправните установи во Македонија се далеку под секој човечки минимум.

Катастрофалните животни услови во КПУ се и еден од изворите што поттикнуваат појава на корупиција. Според она што го споделуваат затворениците, затворската полиција, чии припадници во повеќе наврати се фатени во обид да шверцуваат забранети предмети во затворите, се основна алка во корумпираниот систем. Потсетуваме дека во повеќе наврати околу затворите беше прогласувана кризна состојба со што се овозможи војската и регуларната полиција да ги обезбедуваат затворите, но, очигледно, дека и тоа имаше краткорочни ефекти, без да ги донесе потребните резултати, а проблемите продолжуваат да се таложат.

Живот под секое човечко достоинство е недозволив! Дополнително, условите во КПУ се далеку под стандардите на КПД во земјите на ЕУ, затоа Левица бара ветинг на севкупната работа на затворите и затворската полиција, како и сеопфатна реформа поткрепена со дополнителни обуки за затворската полиција, кои ќе помогнат да се зголеми нивото на спремност и професионалност на нејзините припадници. Левица апелира дека на затворите им е потребно итно реновирање и зголемување на капацитетите, но и унапредување на програмите за ресоцијализација на затворениците, каде што преку индивидуален пристап, труд и едукација, ќе бидат подготвени за реинтеграција во општеството“, велат од партијата.

Би можело да ве интересира

Левица нема да го поддржи законот за енергетика поради зголемената либерализација

​​​​​​​Левица: Слободата на медиумите се доведува во опасност секогаш кога ВМРО-ДПМНЕ е на власт

Катерина Ѓуровски

Левица: Инспектор постапил незаконски при надзор над хотелот на Мијалков

Горан Наумовски

Левица: 102 имота во имотниот лист на ДПМНЕ – која им е вредноста и од каде ви се толку пари?

Горан Наумовски

Мојсоска: Каде е пресечен тој синџир на дрога во Кочани кога во вашата истрага немате ниту еден актуелен началник

Горан Наумовски

Јанчев: Гледавме апсења и на Мијалков, Бучковски, Груевски, па влакно не им фали, а Заев си живее во Дубаи