Левица – Аеродром го најавува проектот „Аеродромска чаршија“ – модерна пешачка зона која ќе никне покрај кејот на реката Вардар, на местото каде сега има запуштено и нефункционално зеленило кое со години не се одржува, а во летниот период се претвора во вистински змијарник.
„Со овој проект, ова запуштено подрачје ќе се претвори во уреден и живописен простор за шетање, дружење и одмор, со нова урбана опрема, клупи, осветлување, патеки и ново зеленило кое ќе му даде нов живот на овој дел.
Во состав на чаршијата ќе бидат изградени мали комерцијални објекти: уметнички атељеа, занаетчиски работилници, кафулиња, инфо-центар и бина за мини концерти на отворено, место каде што уметноста, културата и локалната економија ќе оживеат заедно!
Со проектот „Аеродромска чаршија“, создаваеме ново општинско економско јадро кое ќе стане симбол на современ, културен и зелен Аеродром по мерка на неговите жители! Аеродром оживува со Левица, велат од партијата.
