Состојбите во здравствот стануваат се потензични. Наместо приближување на ставовите лекарите најавуваат радикализирање на штрајкот, а министерот наместо на преговори со самостојниот, седна да се договара со нивниот паралелен синдикат.
Штрајкот на лекарите ќе се радикализира и од понеделник специјалистите дополнително ќе го намалат обемот на работата, соопштуваат од Самостојниот синдикат на Клиничкиот центар.
Самостојниот синдикат за здравство, фармација и социјална заштита , пак седна на маса со министерот за здравство Никола Тодоров. Главна точка е проектот за исплата на платите по учинок.
Претседателот на Синдикатот, Љубиша Каранфиловски рече дека тие се единствениот репрезентативен синдикат во Македонија како гранков синдикат и дека имаат многу поголема одговорност заради преговарачката улога.