„За изградба на небезбеден мост како што е „Црн Мост“, власта предводена од ВМРО – ДПМНЕ и нивниот миленик, Владимир Талески, потрошија неколку стотици илјади евра.
Ние, како опозиција, најпрво укажавме дека нема потреба од изградба на ваков кружен тек. Но, не бевме послушани и истиот се изгради. Тогаш, ние тврдевме дека тој не е добро осмсилен, тежок е за користење и претставува потенцијална опасност за сообраќајни несреќи. За жал ова наше тврдење се потврди синоќа, кога на ова место се случи сообраќајна несреќа во која беа повредени седум лица.
Со цел да се подобри безбедноста во сообраќајот во Општина Битола, ЛДП во Советот на Општина Битола ќе поднесе Иницијатива за преземање мерки за подобрување на безбедноста во сообраќајот во Битола“, рече Александар Касапов, советник од ЛДП во Советот на општина Битола.
