Претседателот на ЛДП, Горан Милевски денес беше во посета и помош на поплавените подрачја во пелагонискиот регион, заедно со советниците во општина Битола од редовите на ЛДП, Валентин Груевски и Александар Касапов, како и со претставници од раководстото на коалициониот партнер СДСМ.
„Ова е уште една потврда на забеганата политика која ВМРО – ДПМНЕ ја применуваше, односно средствата на граѓаните наместо да ги дисперзира низ сите делови на Репулбика Македонија, ги потрошија за проектот Скопје 2014-та“, изјави претседателот Милевски, кој ги ислуша проблемите на најзогрозените граѓани од поплавите.
Наместо овие денови да глумат „загриженост“, порача Милевски, треба да преземат мерки со кои што ќе им помогнат на жителите кои претрпеа најголема штета и ќе ја признаат грешката што ја правеа во изминатиот период.
Надојдените води, кои веќе една недела се главен проблем на жителите од пелагонискиот регион, особено во општините Могила и Новаци, како и во околните села и населени места, полека се повлекуваат. Посетата на премиерот во поплавениот пелагониски регион, наиде на низа негативни реакци откако и покрај големите штети, Груевски ги потсети жителите дека доколку земјоделците ги осигурале земјиштата од поплави и други катастрофи, Владата ќе им вратела 60% од износот платен за осигурување.