ЛДП: Прво Влада, па законско решение за одржување на локалните избори

Од:

„Либерално-демократската партија го повикува Ѓорге Иванов да го додели мандатот за составување на нова реформска Влада, а парламентарниот состав на ВМРО-ДПМНЕ да не ги опструира демократските процеси за формирање на влада. Во овој момент потребно е да се надминат разликите, да се постигне договор за формирање на Влада, за потоа да се определи и датум за одржување на локалните избори.

Граѓаните на Република Македонија во оваа ситуација реално стравуваат од блокада на локалните самоуправи и последиците врз нивниот секојдневен живот, но новото парламентарно мнозинство веќе размислува за законско решение за излезе од ситуацијата.

Всушност, блокадата на Собранието на Република Македонија, од страна на пратениците на ВМРО-ДМПНЕ, со бесконечно долгите дискусии и нелогичното меѓусебно реплицирање, при изборот на Комисијата за прашања на изборите и именувањата, е намерен обид за блокирање на институциите на државно и на локално ниво. Да беше избрана новата влада, досега ќе беа распишани и локалните избори и немаше да се доведе во прашање функицонирањето на општините.

Затоа час поскоро Иванов, да го додели мандатот за составување на реформска Влада на Зоран Заев. Да се изберат најмалку две собраниски комисии, Законодавно правна комисија и Комисија за политички систем и односи меѓу заедниците, со цел да биде продолжен мандатот на локалните органи.

Функионирањето на државата веќе подолг период е ограничено од раководење на т.н техничка влада, под туторство на Груевски, а сега сме соочени и со закана за целосно блокирање на органите на локалната самоуправа.
Затоа ставот на ЛДП е дека само по изборот на новата Влада, може да се разговара за датумот на одржување на наредните локални избори“, се вели во соопштението на ЛДП.

Би можело да ве интересира

Зајкова: Среќен и благословен Бајрам – исполнет со мир, хармонија и заедништво

Предраг Петровиќ

Остануваат во куќен притвор двајцата екс градоначалници на Кочани, Апелација ги отфрли жалбите

А1он

Јанкоски: ЛДП бара итна и темелна истрага за нападот на вработената во социјалното во Прилеп

Зајкова: Сеопфатен ветинг за државната служба и избраните и именувани лица од 1991 година до денеска

Предраг Петровиќ

ЛДП: Строги контроли не само во локалите, туку и во детските градинки, училиштата и други големи објекти

Аврамоска-Ѓореска: Не е само 8 март ден на жените

Горан Наумовски