„Според најновата Шангајска ранг листа Битолскиот универзитет е рангиран на 7-то место во Македонија. Пред доаѓањето на ВМРО-ДПМНЕ на власт истиот беше второрангиран, меѓутоа со спроведувањето на политиката универзитет во секое село, го уништија и она што вистински вредеше.
На овој начин УКЛО е доведен во ситуација одделни факултети да бараат издвојување од битолскиот и приклучување кон другите, подобро финансирани и во секој поглед фаворизирани од власта.
Оваа ситуација е само одраз на севкупната игнорантска, дури и насилничка политика на ВМРО кон Битола во многу сфери на општественото живеење. Битола не ги добива парите од Буџетот на РМ наменети за рамномерен регионален развој,стана сообраќајно, еколошко и економско слепо црево.
Либерално демократската партија ги повикува сите политички партии од Битола да застанат во одбрана на Битолскиот Универзитет, а Ректорската управа и Ректорот јавно да реагираат и да се произнесат за штетните образовни политики на оваа влада,особено во однос на УКЛО-Битола“ изјави Јован Налбанти член на Централниот одбор на ЛДП.