ВМРО-ДПМНЕ обвини дека министерката за труд и социјална работа разрешила 18 директори на меѓуопштински центри за социјална работа со што е отежнато функционирањето на овие институции.
Бралица Ласоска на прес-конференција рече дека се работи за нелегална постапка на разрешување и оти директорите се разрешени во период кога користат годишни одмори.
– СДС без правна основа, без соодветен аргумент, водени само од слепата омраза и желба за власт ги разрешија директорите на центрите за социјална работа во Скопје, Валандово, Берово, Кочани, Кратово, Свети Николе, Радовиш, Ресен, Струмица, Гостивар, Прилеп, Битола, Неготино, Крива Паланка, Делчево, Куманово, Кавадарци, Штип, како и 5 директори на установи за социјална заштита: Заводот за рехабилитација Бања Банско, Заводот за социјални дејности, Домот за деца 11-ти Октомври, Домот за доенчиња- Битола и јавната установа за баратели на азил, истакна Ласоска.
Таа додаде дека со ваквите разрешувања се на штета на професионалноста и функционалноста на институциите.
