На додипломски студии на високите стручни школи и факултетите во Македонија во 2013 година дипломирале 9.480, што е помалку за 8.8 отсто од 2012 година, соопшти Државниот завод за статистика.
На државните високообразовни установи дипломирале 7.307, на приватните 2.144 и на верските факултети 29.
Како што објави ДЗС, од вкупниот број дипломирани, 82.3 проценти се редовни, 17.7 проценти се вонредни студенти. Процентот на дипломирани жени е 56.3.
Во рок дипломирале 40 отсто, а 60 проценти дипломирале по предвидениот рок.
