Заев го зголемува бројот на функционери за да ја исплаќа лакомоста на партиските послушници, рече на прес-конференција во Собранието, пратеничката на ВМРО-ДПМНЕ, Лилјана Кузмановска.
Таа го соопшти ставот на опозициската партија според кој предлог законот за јавни претпријатија ќе значи дополнителна партизација.
„СДСМ сака да вдоми партиски кадри, да ги направи функционери со воведувањето на заменици директори. Првично предлогот бил само за претпријатија формрани од Владата, но вчера го дополниле и за претпријатија формирани од општините и Град Скопје“, изјави Кузмановска.
Тоа како што рече пратеничката, ќе значи и дополнителен товар за буџетот.
Со новите законски измени предложени од пратеници од владејачкото мнозинство, секое јавно претпријатие треба да добие свој заменик-директор кој ќе го менува директорот во случај на отсуство.
Галена Николовска-Ризвановиќ