Кумановскиот Здравствен дом со сопствени средства во вредност од милион и четириесет и осум илјади денари набави две возила „Лада Нива“, што ќе се користат за потребите на пациентите од руралните места во општините Куманово, Липково и Старо Нагоричане.
– Во кумановско има 123 села и овие теренски возила ќе ги користат екипите на Итна Помош и екипите за вакцинација, изјави директорот на Здравствениот дом од Куманово, Миомир Панковски.
Претходно од Министерството за здравство, Итната помош во Куманово доби три нови возила опремени со врвна опрема така што возниот парк на здравствената установа е значително подбрен во однос на претходните години.
– Оваа година планираме да го обновиме возниот парк со уште две нови таканаречени лесни возила, најави директорот Панковски.
Со обновениот возен парк се очекува дека ќе се подобри квалитетот на услугите што оваа здравствена установа им ги нуди на пациентите.
