Денес на Градскиот плоштад во Куманово, во рамките на Светската недела на движењето, учениците од ОСТУ „Наце Буѓони“ организираа неколку активности.
-Имаме штанд на кој што учениците од медицинскиот смер мерат крвниот притисок и гликемија во крвта. Во 11 часот целата група ќе тргне во една кратка прошетка до Градскиот кеј, со цел да го повика населението да се движи што повеќе, бидејќи движењето е составен дел од здравјето на луѓето-изјави Ленче Ѓоршевска Ангеловиќ, професор по практична настава во „Наце Буѓони“.
Ангела Стојановска ученик во четврта година истакна дека заинтересираноста за мерење крвен притисок и шеќер е голема.
-Луѓето се заинтересирани, особено повозрасните граѓани. Ние сме тука за да им помогнеме, како и за да покажеме колку се добри ваквите настани-нагласи таа.
Елена Георгиевска
