Круемади: Изгласувањето на уставните измени придонес за мирот во регионот

Од:

Лидерката на третата по големина албанска политичка партија, Социјалистичкото движење за интеграција (ЛСИ) Моника Круемади го поздрави усвојувањето на уставните измени од страна на македонскиот Парламент, оценувајќи го тој чин како придонес за зајакнувањето на мирот и безбедноста во регионот.

– Го поздравувам резултатот од гласањето во Парламентот на соседна Македонија за името, според Преспанскиот договор. Ова е позитивен развој кој го отвора патот на земјата за членство во НАТО и во ЕУ. Директен придонес во зајакнувањето на мирот, безбедноста и соработката во регионот. Ја поздравувам и ја ценам многу позитивната улога на албанскиот фактор во овој историски развој, напиша Круемади на Твитер.

Усвојувањето на уставните измени ги поздрави шефот на албанската дипломатија Дитмир Бушати, кој меѓу друго, оцени дека придонесот на албанските политички партии во Македонија уште еднаш се покажал како одлучувачки фактор.

И лидерот на најголемата албанска политичка сила, Демократската партија, Љуљзим Баша, го поздрави усвојувањето на уставните измени од страна на македонскиот Парламент и оцени дека овој чин на висока политичка одговорност е историски чекор за консолидирање на регионот.

– Најдобри желби за Северна Македонија.Северна Македонија сега во НАТО и многу поблиску до Европската унија и Западот. Ова е големо достигнување, надминување на тешкотиите и големи пречки, создадени од внатре и надвор од земјата, од оние кои сакаа да ја втурнат кон Истокот, оцени поранешниот шеф на албанската дипломатија, Тритан Шеху.

Би можело да ве интересира

Само Албанија е понесреќна земја од Македонија во регионот: ООН го објави извештајот за среќа

Орце Костов

Зетот на Трамп објави фотографии од луксузни архитектонски проекти за Србија и Албанија

Земјотрес во Албанија

Со еден клик до работни места во Србија и Албанија: Нова можност за македонските граѓани

Орце Костов

ВИДЕО: Повторно хаос во албанскиот парламент, сесијата заврши предвреме поради немири

Земјотрес во Албанија, почувствуван и во Црна Гора

Горан Наумовски