Заедничка контрола на овластени лица на Државниот инспекторат за земјоделство од Охрид и рибочуварската служба од концесионерот на рибниот фонд од Охридско Езеро на 15-ти овој месец заткнале две лица како вршат недозволен риболов со мрежи.
Според инфомрацијата од Регионалната канцеларија на Државниот инспекторат за земјоделство од Охрид, две лица И.Г (29) и Б.С (32) во 22:30 часот биле затекнати како вршат кривилов кај местото наречено „Рибница“ во водите на Охридското Езеро, со мрежи за излов на белвица. Притоа тие користеле софистицирана опрема за ноќно набљудување и снимање.
Против двајцата Државниот инспекторат за земјоделство – Охрид ќе поднесе сооодветни пријави.
Истовремено од Државниот инспекторат за земјоделство – Охрид и концесионерот „Пастрмка 2012“ од Охрид најавуваат интензивирање на контролите на Охридско Езеро, посебно пред претстојниот мрест на охридската пастрмка, притоа укажувајќи на нулта толеранција за прекршителите на Законот за рибарство и аквакултура и неговите подзаконски акти, како за рибокрадците така и за риболовците кои ловат без риболовна легитимација и дозвола.
