Кривични пријави против три лица кои ги нападнале полицајците во Шуто Оризари

Од:

Обвинителството поведе постапка за сторено кривично дело Напад на службено лице при вршење на службата од член 383 став 2 во врска со став 1 од Кривичниот законик против три лица кои на 15 септември во населбата Шуто Оризари при одржување на панаѓур извршиле напад над припадници на полицијата.

Настанот се случил откако полицајците кои вршејќи ја службата, заради зголемена фреквенција на возила, повикале пајак служба. При подигање на едно од непрописно паркираните возила, сопственикот на возилото се упатил кон полицајците и започнал вербална расправија. Потоа влегол во возилото и го придвижил нанапред удирајќи во полицајците. Откако и по вторпат со возилото удрил во полицајците, осомничениот бил изваден од возилото од страна на полициските сили. Во нападот кој бил извршен се вклучиле уште две лица, во блиски роднински врски со возачот на автомобилот. При обидот на полицијата да го спречи нападот, на местото се собрале 30 – 40 лица и започнале вербален, но и физички напад кон полициските структури. Во инцидентот беа повредени неколку лица, меѓу кои шестмина полициски службеници.

Ценејќи дека се исполнети законските основи, надлежен јавен обвинител за трите лица против кои е поведена постапка предложи определување мерка притвор. По ваквиот предлог се произнесе надлежен суд, кој на тројцата им определи мерки на обезбедување.

Би можело да ве интересира

Ако Арсовска има сознанија за криминал, има обврска тоа да го пријави, велат од ОЈО

Обвинителството бара осудителна пресуда и конфискација на имотот на обвинетите во случајот „Адитив“

СДСМ достави документи до ДКСК: Бара постапка за тендерот во МВР

Уапсен е возач кој управувал возило со 2,10 промили алкохол во крвта

А1он

Обвинителството поднесе жалба барајќи ефективен притвор за поранешните директори на Онкологија

Левица: Тошковски продолжува со алармантни тендери-милиони ќе се слеат во блокирани и фантом фирми

Предраг Петровиќ