Полицијата поднесе кривична пријава против И.Т.(59) од Скопје, поради постоење основи на сомнение за сторено кривично дело „даночно затајување”.
„Пријавениот, за реализираните приливи на девизни парични средства во вкупен износ од 43.600 евра во 2021 година, кои ги уплатил во готово на сопствената девизна трансакциска сметка, не пријавил и не платил данок на личен доход во износ од 10% или данок во износ од 268.140 денари. На тој начин пријавениот се стекнал со противправна имотна корист во износ од 268.140 денари и за истата сума го оштетил Буџетот на Македонија“, тврди МВР.